प्रसिद्ध संगीतकार तथा गायक टंक बुढाथोकीको निर्देशनमा बन्न लागेको फिल्म ‘मन बिनाको धन २’मा अभिनेता महेश त्रिपाठीको प्रवेश भएको छ । उहाँसँग निर्देशक बुढाथोकीले मंगलबार कागजी सम्झौता गर्नु भएको छ। । केही दिनअघि मात्र यस फिल्मका लागी मुख्य अभिनेत्रीमा पूजा शर्मालाई अनुबन्धित गरिएको थियो ।
चलचित्र ‘मन बिनाको धन २’मा महेश र पूजा एक अर्काको जोडीको रूपमा प्रस्तुत हुने जनाइएको छ । यो फिल्म उहाँहरूको दोस्रो सहकार्य हो । यसअघि दुवै कलाकारले सविर श्रेष्ठको निर्देशनमा बनेको फिल्म ‘३६ को आँकडा’मा एकसाथ काम गरिसक्नुभएको छ, जुन प्रदर्शन हुन बाँकी छ ।
