सरकारले जेठको पहिलो सातादेखि सहकारीका बचतकर्ताको रकम फिर्ता गर्ने तयारी गरेको छ । भूमि व्यवस्था, सहकारी तथा गरिबी निवारणमन्त्री प्रतिभा रावलले जेठको पहिलो सातादेखि सहकारीका बचतकर्ताको पैसा फिर्ता गर्ने सरकारी तयारी रहेको बताएकी हुन् ।
समस्याग्रस्त सहकारी व्यवस्थापन समितिको पत्रकार सम्मेलनमा बोल्दै मन्त्री रावलले यस्तो बताएकी हुन् । उनले जेठको पहिलो सातादेखि बचत फिर्ता प्रक्रियाको औपचारिक सुरुवात गर्ने प्रतिबद्धता समेत व्यक्त गरेकी छिन् ।
मन्त्री रावलले सहकारीको बचत फिर्ता गर्ने आधार नै ऋण असुली भएको समेत उल्लेख गरेकी छिन् । उनले त्यसका लागि सरकारले कडा कदम चाल्ने पनि स्पष्ट पारेकी छिन् ।
