विश्वभर शान्तिको सन्देश प्रवाह गर्ने उद्देश्यका साथ ‘जर्नलिस्ट फर जस्टिस नेपाल’ले ‘म्युजिक फर पिस’ कार्यक्रम सम्पन्न गरेको छ।
कमलपोखरीस्थित रसियन हाउसमा आयोजित कार्यक्रममा सङ्गीतका माध्यमबाट विश्व शान्तिको कामना गरिएको थियो ।
नेपाल रुसको कूटनीतिक सम्बन्ध स्थापनाको ७० औँ वर्ष पुग्दै गर्दा आयोजित कार्यक्रममा रसियन हाउसकोतर्फबाट हाउसकी निर्देशक अनास्तासिया खोखलोभाले शुभकामना सन्देश पठाएकी थिइन् ।
अनास्थासियाकोतर्फबाट शुभकामना सन्देशमार्फत रसियन हाउसका कार्यक्रम व्यवस्थापक सन्तोष कार्कीले दुई देशको सम्बन्ध स्थापनाको ७० औँ वर्ष प्रवेशलाई विशेष जोड दिएका थिए ।
