प्रदर्शन अगाडी निक्कै हाइप बनाएको रकिङ स्टार ‘यश’ को चलचित्र Toxic को भारतीय बक्सअफिस कलेक्सनमा भारी गिरावट आएको छ । पहिलो दिनको तुलनामा दोस्रो दिन उक्त चलचित्रको कलेक्सनमा ६२ प्रतिशतले गिरावट आएको छ ।
करिब ५ सय करोडको लागतमा निर्माण भएको फिल्मलाई दर्शक र समीक्षक दुवैले रुचाएका छैनन् । कथा अस्पष्ट हुँदा फिल्मले दर्शकको ध्यान एकाग्र गर्न सक्दैन । समिक्षक र दर्शकले सामाजिक सञ्जालमार्फत फिल्मको आलोचना गरिरहेका छन् । जसको असर फिल्मको व्यापारमा देखिन थालेको अनुमान लगाउन सकिन्छ ।
