नेपाल २०औं एसियन गेम्सअन्तर्गत पुरुष क्रिकेट प्रतियोगितामा अफगानिस्तानसँगै समूह ‘ए’मा परेको छ।
जापानमा आयोजना हुने प्रतियोगिताको बिहीबार सम्पन्न ‘ड्र’ अनुसार यो समूहमा नेपाल र अफगानिस्तानसँगै आयोजक राष्ट्र पनि छ।
समूह ‘बी’ मा भने हङकङ, मलेसिया र ओमान छन्। भारत, बंगलादेश, श्रीलंका र पाकिस्तान भने वरीयताका आधारमा सिधै क्वार्टरफाइनलमा आफ्नो स्थान सुरक्षित गरेका छन्।
प्रत्योक समूहका शीर्ष दुई टोली क्वार्टरफाइनलमा पुग्नेछन्। त्यसपछि सिधै क्वार्टरफाइनलमा पुगेका टेस्ट राष्ट्र भारत, बंगलादेश, श्रीलंका र पाकिस्तानमध्ये एक टोलीसँग प्रतिस्पर्धा गर्नेछन्। नेपालका लागि अफगानिस्तान र घरेलु टोली जापानविरुद्धको समूह चरणको प्रदर्शन क्वार्टरफाइनल यात्रा तय गर्ने मुख्य आधार हुनेछ।
