सुकुम्वासी बस्ती हटाउँदा पठनपाठनमा अवरोध भोग्दै आएका विद्यार्थीको शैक्षिक कृयाकलाप नियमित राख्न शिक्षा मन्त्रालयले सबै स्थानीय तहलाई सहजीकरणका लागि अनुरोध गरेको छ । मन्त्रालय मातहतको शिक्षा तथा मानव श्रोत विकास केन्द्रले सोमबार सबै स्थानीय तहलाई अनुरोध सहित गरेको छ बुँदे सर्कुलरमा बस्ती स्थानान्तरण गर्दा समस्यामा परेका विद्यार्थीको नियमति पठनपाठन र परीक्षा व्यवस्थापनमा सहजीकरण गर्न अनुरोध गरिएको छ ।
काठमाडौबाट शुरु भएको सुकुम्बासी बस्ति हटाउने अभियानका कारण विद्यार्थीलाई मर्का परेको छ ।
यस्ता बस्तीका विद्यार्थी विद्यालय पुहँच, नियमित उपस्थिति, शैक्षिक सामग्री, सुरक्षित वातावरण लगायतका आधारभूत सुविधाबाट वञ्चित हुनसक्ने सम्भावनालाई मध्यनजर गर्दै विद्यार्थीको पठनपाठ कार्य नियमित र प्रभावकारी रुपमा सञ्चालन गर्न आवश्यक सहजीकरण गर्न केन्द्रले भनेको छ । बस्ती हटाउँदा प्रभावित विद्यार्थीलाई पायक पर्ने विद्यालयमा स्थानान्तरण गर्न आवश्यक समन्वय गरी सहज वातावरण सिर्जना गर्न केन्द्रले भनेको छ । यस्तै विद्यार्थी स्थानान्तरण, समायोजन तथा शिक्षण सिकाइको निरन्तरता सम्बन्धि कार्यको प्रगती विवरण पठाउन पनि केन्द्रले भनेको छ ।
परीक्षाकै मुखमा बस्ती हटाउँदा कक्षा १२ को परीक्षामा सहभागी हुने विद्यार्थीलाई धेरै मर्का परेको छ । सोमबार देखि शुरु भएको उक्त परीक्षाका परीक्षार्थीलाई परीक्षा केन्द्रसम्म जान आउन आवश्यक यातायातको व्यवस्था गर्न पनि केन्द्रले अनुरोध गरेको छ । यस्ता बस्तीका विद्यार्थीलाई पायक पर्ने विद्यालयमा स्थानान्तरण गर्न पनि केन्द्रले अनुरोध गरेको छ ।
