उत्तर कोरियाका नेता किम जोङ उनले रुसको पक्षमा युक्रेनविरुद्ध लड्दा पक्राउ पर्नुभन्दा आफूमाथि आत्मघाती हमला रोज्ने सैनिकहरूलाई नायकको संज्ञा दिएका छन् ।
सरकारी सञ्चारमाध्यम केसीएनएका अनुसार प्योङयाङमा आयोजित एक कार्यक्रममा किमले महान सम्मान जोगाउन बिना हिच्किचाहट आत्मबलिदान गर्ने सैनिकहरूको प्रशंसा गरेका हुन् । उनले यस्तो कार्यलाई सेनाको उच्चतम निष्ठाको रूपमा व्याख्या गरेका छन् ।
गुप्तचर एजेन्सीका अनुसार उत्तर कोरियाली सैनिकहरूलाई पक्राउ पर्नु भन्दा आत्महत्या गर्न निर्देशन दिइएको हुन्छ । उत्तर कोरियामा सैनिकहरू बन्दी हुनुलाई देशद्रोह मानिन्छ ।
