‘फेन्टासी कमेडी ड्रामा’ जनरामा निर्माण भएको फिल्म ‘लाइफ ड्यामेज’ यहि जेठ १ गतेबाट प्रदर्शनमा आउने भएको छ । अभिनेत्री सुरक्षा पन्तको शिर्ष भुमिका रहेको यस चलचित्रलाई कन्टेन्ट क्रिएटरको रुपमा परिचित निमेष श्रेष्ठले निर्देशन गर्नुभएको छ । यस चलचित्रमा निर्देशक श्रेष्ठ स्वयं अभिनेत्री सुरक्षा पन्तसँग शीर्ष भूमिकामा देखिनु भएको छ ।
‘लाइफ ड्यामेजको टिजर र एउटा गीत Youtube मार्फत सार्वजनिक भइसकेको छ । फन रिभोलुसन इन्टरटेनमेन्टको ब्यानरमा निर्माण भएको फिल्ममा सुरक्षा पन्त र निमेष श्रेष्ठका साथमा ईशा थापा, सञ्जना महर्जन, अमोघ अर्याल, अनिश जंग थापा, अजय पन्त, सविन बाँस्तोला, निर्मला खड्कालगायत कलाकारहरूको अभिनय छ ।
